北海道深秋暴風雪之旅 Day Five-- 狸小路,北海道道廳,北海道伊勢神宮

28-11-2012,天氣寒冷
經過一天的暴風雪，今天好平靜，冇下雪，仲見到太陽伯伯(因為頭四日天色紛暗，眼前所有景像只要黑同白，今日終於見到藍色的天了。)

到了旅程最後一天，由於之前好多行程要取消，導遊今天另有安排。




這是札幌市內酒店房間，是最細！

食早餐的地方也比較簡單。

好彩D食物選擇也足夠。

飲品有多種茶包選擇。

總算是一間實而不華的酒店。

D 相終於有番色彩了，渴望很耐的藍藍天空出現了


導遊安排去北海道道廳參觀，原來呢個景點幾出名。這裏是政府機構，所以今早見好多人返工。

之前一晚下大雪，樹上掛着積雪，好勁聖誕氣氛。

呢張似是文具店D明信片，棵樹真定假？



 

佩服大自然力量！

大舊自己識行？

跟住去北海道神宮。

早上遊人不多。

導遊話神宮是做喜事，如結婚，神社是做先人白事，原來咁解！

好有日本風味。

神宮設計好似人頭，中間有對眼！

架上掛滿繪馬，被強勁風雪蓋住，可以想像D暴雪幾利害！

呢張好似屋簷流緊鼻涕。可想宜知幾凍




 

要好大風雪才有「雪掛」這效果。





咁都有求戀愛運，住持也會賺錢！





因為有些團友想去動物園，也有一些想行街shopping,道遊分開兩組，我地揀再去狸小路最後SHOPPING！

冬天夕張密瓜不靚，下次夏天來才試。

北海道最後一餐在這裏食。







有聖誕老人助陣。







又是導遊揾錢時候，市場內海鮮比出面貴，不過有團友錢多捧場，所以日本團不用加購物景點。











隻蟹好靚，有大有小！




 

不妨買包裝拉麵返香港食，味道唔錯！



 

這是北海道海鮮蟹鍋，D蟹腳好 "un"，冇肉，團餐就係咁揾笨。

店外風景唔錯。

巨型雪人，又幾似大舊喎！

大舊來扮雪球加菲。

千歲機場好細，冇乜嘢行。

大舊掛住食！食飽睇卡通！！






做大舊真係幸福，佢已經兩年內去哂九州，本州，北海道，仲有全台灣咁濟，咁下次仲帶佢去嗎？？？

北海道深秋暴風雪之旅 Day Four-- 二世古,狸小路,JR Tower聖燈飾

2012年11月27日,暴風雪

7:00am 今天早上有點心知不妙，望出窗外只見黑白兩種色！！

成個二世古吹住暴風雪，看不到遠處風景。

7:30am: 大舊話最緊要食早餐先，睇吓有乜嘢食！

五星期早餐總算不錯，選擇算多。

好多健康的選擇。

8:30am 二世古 Hilton 酒店門口預備出發去登別 Marine Park

想行出多點也不能，因太大風雪！





所以影不到酒店外貌，情況就似打8號風球，但是打下來是雪！







我們遇上暴風雪，大部份高速公路封閉，交通大擠塞，我們的旅遊車塞在登別，

廣泛地區大停電。本來今日去登別 Marine Park睇企鵝巡遊，據說個館由開業至今未試過因意外關門，也因為今日大停電而閉館三日，第一次去便遇上，我地直頭係貴賓囉！





見到咁嘅天氣，根本邊度都唔使去。








大片雪花打落車玻璃上，因車廂有暖氣，很快變水點







導遊話強風吹倒電線杆，引致多個地區停電。

 

我們的車慢行，因為許多公路封閉，交通又擠塞，導遊打算今日去的 Marine Park,昭和有珠火山，熊出沒注意專門店，洞爺湖藝街去廊，積丹半島～神威甲的景點取消了。車子會直駛去札幌







車子停下塞下。11:00am見到有便利店，導遊提議我地買定乾糧，因為尚有好耐車程才到札幌。便利店冇電






天氣咁凍，雪糕櫃冇電，雪糕都唔溶






人根本冇可能企出戶外半小時，一定凍死！




買定乾糧上車







差不多整天呆在車上，今次旅程因風雪關係，很多行程取消，有點掃興
大舊食飽早餐瞓陣先。







瞓醒又食朱古力！




到差不多兩點鐘，好不容易才找到有電的中途休息站，好好醜醜自費食過午飯先！






唔知係唔係"海猿"男主角伊藤英明來過這裏???





大眼叫咗牛肉飯，價錢忘記咗LU！





我叫炸豬扒飯。

休息站出面是個湖仲未結冰，四週盍滿厚厚的雪。

風景很美

D鴨竟然唔怕冷？

仲有好多在湖中游水。

3:30pm:因為許多高速公路封閉，車行小路又耐又危險，趁鐵路維持有限度服務，導遊提議在千歲站轉搭 JR落札幌......,但點解要我地自費？？

真正災難式旅行，唔搭旅遊車去坐JR，月台同路軌仲積晒雪。

我地搭3:45pm 車落札幌。

小小雪山丘！

大舊瞓醒變咗坐JR！！

呢架車也可以睇到駕駛室情況。

4:30pm 終於到札幌市車站，買罐紅豆沙暖暖身先。我地有兩個鐘行街。

入去YODOBASHI睇吓有冇新相機。大眼就買玩具。






7:00pm 團體餐包一個成吉思汗鐵板燒，相信好多香港人試過。
門口有熊個間....

呢個餐也有BIG AND SMALL玩！

個名好勁，不外乎牛肉，海鮮同蔬菜。

幫襯導遊買帶子食，味道一般。￥1500

好彩冇幫襯導遊買牛肉，差到你唔信，團友話似煲完湯D湯渣！￥8400

呢個也是自費。￥7000

之後夜遊狸小路，天花頂冇咗吹氣狸貓喎？

唯有叫大舊頂上！

所謂夜遊，其實迫我地去呢間手信店買北海道手信，因為其他舖頭都關門了，得呢間開比我地買嘢。
不過內裏的產品包裝與便利店不同，食品味道又怪，懷疑是A貨，其實日本也有翻版嘢，導遊又大賺一筆！



由於今天冇乜行程，加插遊大通公園，臨近聖誕節有聖誕燈飾影。

地下係真雪，簡簡單單但好有聖誕氣氛。

呢個情景香港好難做到。

積好多雪！

要勞煩警察鏟雪！

今早的暴風雪很勁，大舊隔籬個石像都黏滿雪

今晚住東急inn，返酒店梳洗一下，今晚是在北海道最後一晚，一正要出去行街街shopping。

10:30pm 好熱鬧，札幌市薄野區

一生人第一次見，馬路街道變成天然溜冰場！

今天的暴風雪真係勁，雪椅一張！！

通街道是冰，好易「線」死人！

我們最愛的激安之殿堂，又多嘢買，又開到深宵。
大眼驚"線"低，終於在這裏買了對防"線" boot,行冰面冇問題，仲要激平！！！
我們在這裏買了零食及藥物。

嘩，行街買嘢都買到零晨1:30am，得 -1度咋！我地把戰利品放回酒店。

差不多零晨兩點，我們先去酒店附近食拉麵，拉麵街內有好多拉麵店，我們首選「華龍」



其實仲有其他選擇。

呢間最出名，睇雜誌因為元祖喎，試試先！

可能已經深夜，總共得三個客人。

咁堅？有好多名人簽名！

大眼點的牛油鹽味札幌拉麵，但又真係好香好好食，加隻蛋都唔貴。

我的鹽味札幌拉麵。終於分辨出，札幌拉麵是曲的，九州拉麵是做咗負離子。

真正温泉蛋。有冇發覺下半part冇左大舊，佢一早在酒店大床呼呼入睡了。